5th UMM Homecoming Day Commemoration Campaign

အားလုံးသိကြတဲ့အတိုင်း ဆေးတက္ကသိုလ် မန္တလေးဟာ ၁၉၅၄ခုနှစ်မှာ စတင်ခဲ့ပါတယ်။

စတင်ခြင်းရဲ့နောက်မှာ အမှတ်တရတွေများစွာ ရှိနေပါတယ်။

ကျောင်း၀င်တာ တူလို့ပဲ ဖြစ်ဖြစ်၊ ဝင်လာရင်းနဲ့မှ ရင်ဘတ်ချင်း တူသွားကြလို့ပဲဖြစ်ဖြစ် တူတူ သွားရင်း နားရင်း စားရင်းနဲ့ သို့မဟုတ် တူတူ တော်ရင်း ကျော်ရင်း မော်ရင်းနဲ့ မဆုံးနိုင်တဲ့ အမှတ်တရတွေဟာ အမိ-ဆေးမန်း နာမည်နဲ့အတူ နှလုံးသားမှာ ကိန်းခိုနေကြမှာပါ။

ကံကောင်းသူတွေအဖို့က အဲဒီ အမှတ်တရလေးတွေကို မှတ်တမ်းတင်နိုင်ခဲ့ပြီး သိမ်းဆည်းထားနိုင်တဲ့ အခွင့်အရေး ရရှိခဲ့ကြမှာပါ။

အဲဒီအမှတ်တရတွေကို မျှဝေခံစား ကြည်နူးဖို့ UMMAA ရဲ့ Commemoration Campaign 2021 လာပါပြီ။

UMM Commeration Campaign 2021 ဆိုတာ ဘာလဲ ?
ဆေးမန်းရဲ့ ကျောင်းသား ၊ ကျောင်းသူဟောင်းတွေ ၊ ဆရာ၊ ဆရာမတွေ နဲ့ ကျောင်းတော်ကြီးရဲ့ အငွေ့အသက် တွေ ပါဝင်တဲ့ မှတ်တမ်းဓာတ်ပုံများကို စုဆောင်းသွားမယ့် campaign အစီအစဉ်ပါ ။

ဒီအစီအစဉ်ကနေ ဘာတွေ အကျိုးရှိနိုင်မှာလဲ။

ဟုတ်ကဲ့။ စုဆောင်းရရှိလာတဲ့ ပုံရိပ်တွေကို UMMAA တာဝန်ရှိသူများမှ စိစစ်ရွေးချယ်ပြီး Memory Book ထုတ်ဝေခြင်း ပြုလုပ်သွားဖို့ရှိပါတယ်။

နောက်ပြီး စုဆောင်းရရှိလာတဲ့ ရှားပါး ဓာတ်ပုံများကို တစ်ချိန်မှာ ပေါ်ထွန်းလာမယ့် UMM Museum မှာတခမ်းတနား ပြသထားနိုင်မှာပဲဖြစ်ပါတယ် ။

ကျွန်တော်တို့ရဲ့ မဝေးတော့တဲ့ အနာဂတ်က ဆေးတက္ကသိုလ် မန္တလေး စိန်ရတုအတွက်လည်း သမိုင်းဝင်ဓာတ်ပုံတွေ စုဆောင်းပြီးသား ဖြစ်စေမှာပါ ။

ဒီ Campaign လေးမှာပါဝင်ချင်တယ်ဆိုရင်တော့ UMMAA ရဲ့ email [email protected] ဒါမှမဟုတ် ဆေးတက္ကသိုလ် မန္တလေးသို့ ဓာတ်ပုံနှင့် သက်ဆိုင်ရာ အချက်အလက်များ၊ အမှတ်တရ စာတမ်းတိုလေးများကို ပို့ပေးရမှာပါ။

January လ ၅ရက်နေ့ UMM Virtual Homecoming Day Ceremony 2021 အမီ Memory Book အနေနဲ့ အလွယ်တကူ အမြတ်တနိုး ဖတ်ရှုနိုင်အောင် ummalumni.com မှာ e-book download link ချပေးမှာဖြစ်လို့ December လ ၃၁ ရက်နေ့မတိုင်မီ ဓာတ်ပုံများပါဝင်ပေးပို့ ဆင်နွှဲနိုင်ကြရန် တိုက်တွန်းလိုက်ရပါတယ် ။